Friday, September 7, 2012

അയ്യേ..നഗ്നത !

മലയാളിക്ക് ആദ്യം കാബറേ കാണിച്ചു തന്നത് ആരാണ്. കൃത്യമായ അറിവില്ല. എന്റെ പ്രായത്തിലുള്ളവര്‍ക്ക് അത് കാണിച്ചു തന്നത് സില്‍ക്ക് സ്മിതയാണ്. അനുരാധ, ഡിസ്കോ ശാന്തി,....അങ്ങിനെ ഒരു പാട് അനുബന്ധങ്ങളും ഉണ്ടായിട്ടുണ്ട്. ഞങ്ങള്‍ സ്കൂള്‍ പിള്ളേര്‍ പുസ്തകം കൊണ്ട് തല മറച്ച് തിയേറ്ററില്‍ കയറുമ്പോള്‍ അന്നത്തെ അമ്മാവന്മാര്‍, ഇന്നത്തെ അപ്പൂപ്പന്മാര്‍ പുകവിട്ടുകൊണ്ട് സ്ക്രീനില്‍ അത് ആസ്വദിക്കാറുണ്ട്. 

         ഇന്ന് കാലം മാറി. രമ്യാ നമ്പീശനും പദ്മപ്രിയയും ഒക്കെ മുന്നിലോട്ടും പിന്നിലോട്ടും തള്ളി നില്‍ക്കുന്ന അവയവങ്ങള്‍ ആട്ടി കാണികളെ പ്രലോഭിപ്പിക്കുന്നു. ഡാന്‍സര്‍ എന്നോ നടിയെന്നോ നായികയെന്നോ ഭേദമില്ല. പണ്ട് ബാലന്‍ കെ നായരും ടി.ജി.രവിയും സത്താറും മാത്രമേ അവരോടൊത്ത് ആടിപ്പാടൂ എങ്കില്‍ മോഹന്‍ലാല്‍ അവരുടെ ചന്തിയില്‍ പോലും പിടിച്ച് ഞെക്കുന്നു. കുഞ്ചാക്കോ ബോബനും പൃഥിരാജും വരെ അതില്‍ ലയിച്ചു ചേരുന്നു.

 വില്ലന്റെ ഉന്മാദോപാധി എന്ന നിലയില്‍ നിന്നും നായകന്റെ  ആസ്വാദനോപാധിയായി കാബറേ വളര്‍ന്നിരിക്കുന്നു. ഏഷ്യാനെറ്റ് അവാര്‍ഡ് ദാന ചടങ്ങില്‍ റഷ്യയില്‍ നിന്നും വരെ കാബറേ ഇറക്കുമതി ചെയ്ത് നമുക്ക് കാണിച്ചു തരുന്നു. മനോരമയും ഇന്ത്യാവിഷനും ഒക്കെ സ്റ്റേജില്‍ അവാര്‍ഡ് ദാനത്തിന് കൊഴുപ്പുകൂട്ടാന്‍ ഉപയോഗിക്കുന്നത് ഈ മാംസ നൃത്തം തന്നെ. മാതൃഭൂമിയും കേരളാകൌമുദിയും പുന്നിലല്ല. ഏറ്റവും തുണികുറച്ച് നൃത്തം ചെയ്യുന്ന ചടങ്ങ് തങ്ങളുടേതാക്കാനാണ് മാധ്യമ മത്സരം. എല്ലാ തുണിയും പറൈച്ചെറിഞ്ഞതിനാല്‍ ഏഷ്യാനെറ്റിന് പിന്നില്‍ നില്‍ക്കാന്‍ മാത്രമേ ഇനി മത്സരിക്കാനാകൂ...

   ഈ മാംസ നൃത്തം കാണാന്‍ മുഴുവന്‍ പ്രേക്ഷകരേയും കുഞ്ഞു കുട്ടി പരാധീനമടക്കം ആഡിറ്റോറിയത്തിലേക്ക് ക്ഷണിക്കുന്നു മാധ്യമങ്ങള്‍. ചെന്നെത്താനാകാത്തവര്‍ക്ക് ലൈവായി വീട്ടിലിരുന്ന് കാണാം. സീരിയലായി മുറിച്ച് കാണാം. പിന്നെ യൂ-ട്യൂബില്‍ , പദ്മപ്രിയ ഹോട്ട്, രമ്യാ നമ്പീശന്‍ ഹോട്ട്, എന്നൊക്കെ. ലക്ഷങ്ങള്‍ കണ്ട് ഹിറ്റുമടിച്ച് പോകുന്നു. നിര്‍വൃതിയോടെ . 
  
  അപ്പോഴൊന്നും നമ്മുടെ സംസ്കാരം ഇടിഞ്ഞ് വീണിട്ടില്ല.. ഇവിടെ ജനങ്ങളില്‍ നിന്നൊക്കെ അകത്ത് ഒരു ടൂറിസ്റ്റ് കേന്ദ്രത്തില്‍, ടിക്കറ്റെടുത്ത് , ഇതുകാണാന്‍ വേണ്ടി മാത്രം വരുന്ന വിനോദാര്‍ത്ഥികള്‍ക്ക് മുന്നില്‍ ഇതേ നൃത്തം അവതരിപ്പിച്ചാലോ എന്ന് ചിന്തിച്ചപ്പോഴേക്കും സംസ്കാരം ദാ..ഇടിഞ്ഞു വീണു.അതേ മാംസനൃത്താഹാരികളായ നമ്മുടെ മാധ്യമങ്ങള്‍ സംസ്കാരവും പൊക്കിപ്പിടിച്ച് പ്രകടനം നയിക്കുന്നു. പ്രമാദ പീഡനക്കേസിലെ ഇരകളെപ്പോലും വാര്‍ത്തകളാല്‍ ചിത്രങ്ങളാല്‍ പീഡിപ്പിച്ചവര്‍ക്ക് , ഇപ്പോഴും നിരന്തരം പീഡിപ്പിച്ചു കൊണ്ടിരിക്കുന്നവര്‍ക്ക് നമ്മുടെ സംസ്കാരത്തിന് സംഭവിച്ച അപചയം ഓര്‍ത്ത് വല്ലാതെ ദുഖം വരുന്നു. തൂറാന്‍ മുട്ടുന്നു.
    ഈ എതിര്‍പ്പുകളെ ഒക്കെ അവഗണിച്ച് ഈ പദ്ധതിയുമായി സര്‍ക്കാര്‍ മുന്നോട്ട് പോയാലോ, ഒരു കാര്യം ഉറപ്പ് ആദ്യദിവസം പ്രദര്‍ശനത്തിന് എന്നോടൊപ്പം പത്ത് മാധ്യമപ്രവ്ര്ത്തകരെങ്കിലും ഉറപ്പായിട്ടും ഉണ്ടായിരിക്കും....